Popular Bible Verses from LEVITICUS 26

Share

Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

ndien nyenɔ mbufo edim ke ekem ini, isɔŋ eyenyuŋ oduk ekese, mme eto iŋwaŋ eyenyuŋ esioŋo mfri mmɔ.

Edieke mbufo edisaŋade ke mme ewuhɔ mi, edinyuŋ enimde mbet mi, enyuŋ enam mmɔ

Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

Ndien nyese mbufo, nnyuŋ nnam mbufo ewak, enyuŋ etɔt, nnyuŋ nnam ediomi mi ɔsɔŋ ada ye mbufo.

Ami ndi Jehovah Abasi mbufo, ami ŋkosio mbufo ke isɔŋ Egypt mfep, man mbufo ekudi ifin mmɔ: ŋkonyuŋ mbuŋ eto ɔkpɔnɔ mbufo, nnyuŋ nnam mbufo eneŋere esaŋa.

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

MBUFO ekunam ndem enɔ idem mbufo, ekunyuŋ enim edisɔi mbiet, ye adaha enɔ idem mbufo, ekunyuŋ eda itiat eke esɔide ewuk ke isɔŋ mbufo, man enuhɔ enɔ enye: koro ami ndide Jehovah Abasi mbufo.

Mbufo eyenyuŋ edia ukai ebem, ndien obufa eyesin mbufo eduɔk ukai.

Mbufo owo ition eyebine ikie, mbufo owo ikie eyenyuŋ enam tɔsin duop efeŋe; ndien mme asua mbufo eyeduɔŋɔ ke ofut ke iso mbufo.

Ndien ini emi mbufo etimde ibokpot eyesim ini utet vine, utet vine eyenyuŋ osim ini usuan mkpasip: mbufo eyenyuŋ edia udia mbufo eyuhɔ, enyuŋ etie ke ifure ke isɔŋ mbufo.

Mbufo eyenyuŋ ebine mme asua mbufo, ndien mmɔ eyeduɔŋɔ ke ofut ke iso mbufo.

Mbufo enim mme sabbath mi, enyuŋ eteŋe edisana ebiet mi: ami ndi Jehovah.