Popular Bible Verses from Genesis 32

Share

Artwa ra ilek, “Itnan ngkwenh Jacob-weny-anemarl, ngarl Akngeyek arrkernelhenh artwernem-then. Ingkerrenhel ngenh itnew-ayntem Israel-ant-anem.” Angka ikwer-rnem-kenhel-anem Israel aynteyel, “Ratherr Akngey-then intewerrenh, antengiletyek-arrpantey.”

Artwa rap angkek Jacob ikwer-warl, “Ipmanem ayenh, ingwepenh-anem irreyel-kety.” Jacob angkek, “Nthakenh alpey-angenh, mwerr-angkwarr atyeng angka, Akngeyel ayenh arntarnt-aretyek!”

Kel, ament-areny ra anek. Artwa anyent ikwer-warl apetyek. Ratherr atwerrenh ingwepenhek-atwety. Ratherr intewerrenh.

Jacob-el apmer renh Peniel itnewek, angka ikwerenhel. Alakenh-anyem aynteyel, “Atharl Akngey renh arek, ra ayenh ipmek atwey-angenh.” Alakenh-anyem aleyan aynteyel itnan

Artwa ra ikwerant-penh arrkernelhek, Jacob antengiletyek. Ra aneny atwek, aneny ngkwern akngenhelhilek. Iytekilemel-anem apmwelek. Ratherr aleth-antey intewerrenh.

Artwa ra ayernek, “Ilek itna ngan?” Jacob ra ilelhek, “Ayengan Jacob-arl.”

Jacob-el renh ilek, “Nganem itna itnewelha atyeng!” Artwa ra tyernek, “Nthakenh ntwa ayenh iterl-arey-angenharl, ra mwerr-angkwarr mpwarek.”

INGKARTay, nga atyeng inkwerelhek, ntwa ayenh ipmey-angenh, aleth-antey arntarnt-arek. Ayeng irrertety atyenhant-akert Jordan Ilpay-angkwarr artarnpenhek. Atyenh-rnem akngerr innganem aleyant, atnwenth-rnem-then.

Alakenhaym-kety Israel-kenh-rnemel apmelerr aker aneny-penh nthakenh arlkwey-angenh atnwenth-penh.

Ikwer-they Jacob Akngey-warl angkek, “Akngey ngenharl arrengey atyenhel apentenh, akngey atyenhel apentenh. INGKARTay, ntwa ayenh thwenek apmer-warl, atyenh-rnem aneyel-warl. Ntwa ayenh alhelek, ayenh arntarnt-aretyek, atyenh-rnem akngerriletyek.

Atha ngenh ayernem, ayenh awayaty atyenh-kety Esau-kety arntarnt-ara. Ayeng ikwerety aterirreyel, ra anwenhantherr ingkerrenh-antey atwekerr. Amenheng-rnem ingkerrenh-antey.