Popular Bible Verses from Yahya 19

Share

Nacuccu'i Puang Isa joo anggoro', namane' mangkada nakua, “Mangkami!” Namane' cukku, naka'tu sunga'-Na.

Ia tonna issenmi Puang Isa kumua mangka ngasanmi najama to nasuanni Ambe', mangkadami nakua, “Mawakkena'” anna jaji to diuki' lan Sura' Allataala.

Ia tonna kitai Puang Isa to indo-Na ke'deh jio sola to anak gurun-Na napakamoja', mangkadami lako indo-Na nakua, “Oo indo', iamo tuu anakkami.” Namane' ngkuanni joo anak gurun-Na napakamoja', “Iamo tuu indomu.” Mammula joo wattu natarimami to indo-Na Puang Isa, natorro jiomo bolana.

Ia tonna dete'i lako to Puang Isa, nakitai matemi, te'damo nale'toanni to aje-Na. Apa mesa' to surudadu ntossokki doke to sa'de-Na, nata'pa messun to rara sola wai.

Susimi joo najaji to diuki' lan Sura' Allataala kumua, “Moi mesa' bukun-Na te'da nadile'toan.” Den too diuki' lan Sura' Allataala kumua, “Nakitai to tomangka natossok.”

Na mpassan kaju sitamben-Na to Puang Isa, male lako buntu-buntu disanga ‘Ulu Tau’. (Lan basa Ibrani disanga Golgota.)

Ia to surudadu mpasongko'i mahkota, to ringe keduri dikabua'. Mangkai joo too, napapakeimi baju lando makudara'