Popular Bible Verses from Lukas 12

Share

Susi toomo kamu', la da'tan bang kamu' majaga, nasaba' ia to karatuan-Ku' tee Aku', Anak Mentolino, te'da mikalannaii.”

La mipengkulle-kullei mpugaukki to pakkaeloran-Na Puang Allataala, na ia to laenna miparallui la naben too kamu'.”

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Nasaba' umbo-umbo nanii to ewananmi, la minawa-nawa tarruh bangngi.”

Moi mipuselangngi to katuoanmi, te'da mikullei mpamalambeh sunga'mi moi sangmanne'!

Nakuamo Puang Isa lako anak gurun-Na, “Iamo joo, la miingaran! ‘Danggi' mipuselangngi to katuoanmi, to kumua apara to la mikande, ba'tu apara to la miputamangkale.’

Moi beluak jao ulummi mangkamo dibilang ngasan. Iamo joo danggi' mimalaja', nasaba' la'bih keangga' kamu' na ia to denah.”

Naajahhimi Puang Isa to anak gurun-Na nakua, “Danggi' mimalaja' moi mitangpira! Nasaba' napumasannang Ambe'mi Puang Allataala jao suruga mpupenjaji kamu' taun-Na lan kaparentan-Na.

Kitari to kaok! Te'da namantanan, te'da namepare, te'da naampui pa'pak, apa napatuo unai Puang Allataala! Na la'bih keangga' kamu' na ia to manuk-manuk!

Iamo joo danggi' mipuselangngi to kumua apara to la mikande ba'tu apara to la miiso'. Danggi' mika'tu rannu.

Ee, totangmatappa'! Ia ke naballoii Puang Allataala to reu jio padang susi joo, to tuo tee allo na masawa disumpun, apa pole'raka to kamu' sola ngasan!

Te'da to membuninna tangladipangpekitan, na te'da to dibunianan tangladipangpeissenan undinna.