Popular Bible Verses from Aerenakaa A Mbaapostoli 2

Share

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Tsô ve kange asema sha ityesen i mbaapostoli man ken mzoughshima, man ken mcoon u bredi, man ken msen u eren kpaa.

Ve cii i iv ve a Icighan Jijingi, ve gba ôron kwagh ken ijô igen er Jijingi na ve u ôron yô.

Fese nahan ihuran due sha, lu er ijeverahumbe nahan, iv ken iyou i ve tema ker la cii. Tsô ve nenge iniombor er ka i usu nahan, samber tema sha hanmô ve ser ser. Ve cii i iv ve a Icighan Jijingi, ve gba ôron kwagh ken ijô igen er Jijingi na ve u ôron yô.

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang, ve lu wuese Aôndo, ior cii kpaa lu rumun ve. Ter lu seer mba i lu yiman ve la sha iyenge ve ayange ayange.

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Mba ve na jighjigh la cii lu imôngo, man akaa a ve lu a mi cii kpaa ve nungwa hingir kwagh môm. Ve tee akaa a ve man inyarev vev, ve kar ayol a ve sha gbayol u hanma or.

Nahan á hingir u hanma or u nan yer sha iti i Ter yô, nana war.

Á gema iyange ia hingir ime, uwer kpaa ua hingir awambe, man iyange i Ter i vesen i cier iyol ia va ye.