Popular Bible Verses from Ekesodu 3

Share

Aôndo kaa a Mose er: M NGU ER M LUUN YÔ; shi A kaa er: Kaa Mbaiserael nahan wer: Ka M NGU, A tindim her a ven ye.

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Shi A kaa er: De kporom heen ga; tsuwa akôv shin angahar a ou kera, gadia ijiir i u til her ne, ka icighanjiir je.

TER shi kaa a na er: M nenge ican i ior Av mba ve lu ken Igipiti la, shi M ungwa mliam vem ma ve lu vaan mbatorough a ve la, gadia M fa atsan a ve la. Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ortyom u TER ande her a na ken nomborusu u u due ken atô u ageva yô; a nenge, yô, ageva la, lu yeghen usu, kpa ageva la hia ga.

Nahan yô, va M̱ tindi u hen Farao, sha u ú za due a ior Av Mbaiserael ken tar u Igipiti yô.