Popular Bible Verses from Genese 28

Share

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

Tsô Yakob nder, a kaa er: Mimi je, TER ngu hen ijiir ne, man mo yô, m fa ga.

Man shi Yakob tsegha zwa, kaa er: Aluer Aôndo Una lu a mo, Una kuram sha gbenda u m ze ne, Una nam kwaghyan sha u m̱ ya, man akondo sha u m̱ zer. Zan zan mea hide hen ya u terem dedoo yô, nahan TER Una lu Aôndo wam, iwen i m tim i sha mer i̱ lu ikav i umbur ne yô, ia hingir iyou i Aôndo; man akaa a Ú nam cii, me tsuwa môm-ken-upue me na U.

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Shi a ii ijiir la iti er Betel; kpa kera yô, i vanden yilan gar la iti er Lushi.