Popular Bible Verses from Matthew 24

Share

Yehpeh yempy bang ah tre ah chang ah bang, umarr aniah tre ngho cheh bossle. Kereh wonno semeh yenkeleng ko kë ukissy upock u tre yeo; peh chëëkeh woa.

Gospel baily tre wonoky, peh woa trokoh fohm ko kë upock u tre buleing hallë tamasery ko kë ramtë tre buleing ukissy upock u tre u moi.

Ngha tuieh hallë upem u tre nu hallë pehny u pem u tre: m ma sompon: nyërick n tre manah ma hun peh. Kereh upock u tre kissyehnum.

Ram ngha poh ko kë ram, baily tre kë baily tre; peh choe rë lokoh nrick, nack u bang; lehly tre leh packil kë ayin ëgbir. Nyërick n tre manah buleing ma choe trip u sompon tre.

Foy oh, lehly tre oh leh chang; kereh lumtë më ta boaehn chang.

Aniah ëgbir ngha hun kë ilillë më nghaleh, yang yahlah Krist, ngha shinny aniah ëgbir.

Peh ngha kah hallë sompon, peh dyë ngha: ramtë buleing ngha sarrah nghan hallë hallë më. Aniah ëgbir ngha shillyeh, ngha tunky bull u bull, ngha sarrah bull u bull. Prophet mbull ëgbir ngha hun, nu ngha shinny aniah ëgbir.

Jesus yoom, nghaleh ko ko ngha, mbaykeh ëtrehn, ma nghah no shinny moa.

Mbah, n gbenghulleng trim o trim: yehpeh traak nopokan tre u hun kë trim tre no baykehn ëtrehn.

Mbah; nchetty, no sheen trim tre yeome no woa hun yeo.

No o no u boa la nshee trim to nghono; beh, chehn angel ah tre ngha shee lan: papah më u shee la gbo.

Peh hun moi ahkrist ah tre ahprophet tre m bull, ngha tunky yempy bomu tre kë bonkah lan lo ngha boa gbo, ngha shinny aniah yettyeh tre.

Kereh kë manleh peh choe kë trim Noah, peh choe pehreh kë trim tre yeh traak nopokan tre u hun yeo. Kë manleh peh choe yeh trim nloiah ma moiehnum kë, aniah tre ngha dyo, ngha kull, ngha noh, peh ngha kah unoh mendeh trim tre Noah u loi ko kë wom bomu. Ngha shee lan, mendeh men nloiah ma hun nu nyummel ngha buleing; aniah tre ngha nghah bonkah lan, trim tre yeh traak nopokan tre u hun yeo.