Popular Bible Verses from Luka 6

Share

Den i javéna te den tuménge: javéna te den tuménge pherdý miéra, i pritasado saró te javél, bi tangipnaskiro (žalimakiro), javéna te čhuvén tuménge pal breg adákicy, kicý tumé zmoginena te lydžán; savé mierasa tumé mierinena, dasavé-pac' mierasa tumen javéna te mierinen.”

Lačhó manúš vylydžala lačhipén léskire–iléskire kučipnastyr, nálačho manúš vylydžala fuipén léskire-iléskire fuipnastyr; pal-dová, so isyn dro iló, dová uštá rakiréna.

Ne tumé sykavén patýv tumaré vergénge, kerén lénge lačhipén i javéla tuménge bari mazúri (nagrada) Devléstyr, i tumé javéna Naj Vučedyreskire Devléskire čhavé; pal-dová so Jov isyn lačhó i vaš odolénge, savé na parikirena i vaš nalačhenge.

Paldavá javén tangipnýtka (žalinybnytka), syr tangipnýtko isyn tumaró Dad.

Na sendinén, i tumé na javéna sendindle; na bangiakiren, i tumé na javéna bangiakirde; primangen i tuménge javéla primanglo.

Ne Me phenáva tuménge, kon šunéla man: sykáv patýv péskire vergénge, kerén lačhipén odolénge, savé keréna čoripén tuménge, mangénpe pal odolénde, savé košena tumen i mangénpe pal odolénde, savé našukar otlydžanape ke tumé.

Kerén dová javirénge, so tumé kaména, sob (kaj) javír manušá te kerén tuménge.

Kon pekavela tut dre čam (ščoka), rískir ke jov javír, kon otlela tútyr upratuno uribén, otdé léske i gad. Kon mangéla tútyr, de, i kon isyn bangó túke, na phuč léstyr pale.

Nane lačhó kašt (drévo), sob (kaj) te del nalačhé barjakirdé (plódy); i nane nálačho kašt, sob (kaj) te del lačhé barjakirdé.

Pal-dová so kažno kašt udžinena pir léskire barjakirdé, tumé na skedéna inžyro xrustostyr suv'jenca, i vinagrado xrustostyr.