Popular Bible Verses from Zabúr 18

Share

Yahowáh merí chaṭán aur mera gaṛh aur mera chhuṛánewálá hai; mera Qádir i Mutlaq merí chaṭán hai, maiṉ us par bharosa rakhúṉgá; merí sipar aur merí naját ká sing, merí únchí jagah.

yạne, Qádir i Mutlaq se, jis kí rah kámil hai; Yahowáh ká kalám táyá gayá, wuh apne sáre mutawakkiloṉ ke liye sipar hai.

Maiṉ Yahowáh ko, jo hamd ke láiq hai, pukárúṉgá, aur apne dushmanoṉ se bach jáúṉgá.

Maiṉ apní tangí meṉ Yahowáh ko pukárúṉgá, aur apne Ḳhudá kí duháí dúṉgá; wuh apní haikal se merí áwáz sunegá, aur merí duháí us ke sámhne, balki us ke kánoṉ meṉ pahunchegí.

Kyúṉki Tú hí mera chirág jaláegá; Yahowáh mera Ḳhudá merí táríkí ko ujálá karegá.

yạne, Qádir i Mutlaq ke bagair, jo merí kamar mazbútí se bándhtá hai, aur jis ne merí ráh kámil kí hai

Yahowáh zinda hai, aur mubárak merí chaṭán, aur merí naját ká Ḳhudá baland hogá