Popular Bible Verses from JUAN 2

Share

Galilea llacta Caná pueblopimi Jesusca milagrota ruhuai callarirca. Chaipimi paica poderyuc cashcata ricuchirca. Chashna ruhuacpimi, paipac yachacuccunaca Diosmanta shamushca cashcata crircacuna.

Shina nicpimi Jesusca: —Mamita, ¿ima nishpatac chashna ningui? Ñuca pi cashcata ricsichina horasca manarac chayamunchu— nirca.

Jesusca chai tinajacunapi, yacuta jundachichunmi serviccunata mandarca. Paicunaca tinaja shimicamanmi jundachirca. Chaimantami Jesusca: —Cunanca, ashata llucchishpa, mizapi serviccunaman cuichic— nirca. Paicunaca serviccunaman aparcami.

Chashna nicpimi Jesusca: —Diosta mañana huasita urmachishpa saquichic. Quimsa punzhapica cutin shayachishallami— nirca.

Chaita ricushpaca, anguta patarishpami chaipi catuccunataca ovejandi, huagrandi tucui llucchishpa cacharca. Cullquita cambiaccunatapish, mizacunata tigrachishpami shic-huarca. Shinallatac palomata catuccunataca: —¡Caicunata caimanta llucchichic! ¡Ñuca Taitapac huasitaca ama randina, catuna huasita ruhuaichicchu!— nirca.