Popular Bible Verses from JUAN 6

Share

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

Taitaca paipac Churita maijanpish ricushpa crishpaca, huiñai causaita charichunmi munan. Ñucami tucuri punzhapi paicunataca causachisha— nirca.

Shina nicpimi Jesusca: —Pai munashcata ruhuanaca, pai cachashca churita crinami— nirca.

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

Ñucata cachac Taita mana pushamucpica, pi ñucapacman mana shamunchu. Chai shamuccunataca tucuri punzhapi causachishami.

Dios cushca tandaca jahua pachamanta shamucmi. Chai tandami cai pachapi causaccunaman huiñai causaita cun— nirca.

Ñucami causaita cuc tandaca cani.

Jesusca chai tandata japishpa, Diosta pagui nishpaca, yachacuccunamanmi raquichun curca. Challuata japishpapish, chashnallatacmi ruhuarca. Chashna ruhuacpica, mana nictami micurcacuna. Gentecuna mana nicta micushca quipami, Jesusca paipac yachacuccunataca: —Ama yangamanta cachun, tucui puchushcacunata tandachichic— nirca.

Pichca huaranga metro shinata barcopi ricushpami, yachacuccunaca Jesús yacu jahuata purishpa, paicunapacman shamucucta ricurca. Chaita ricushpami, mancharicurca. Shina mancharicucpimi Jesusca: —Ama mancharichicchu, ñucami cani— nirca.