Popular Bible Verses from Jẹnẹsis 22

Share

Kọye Ebraham de se odẹ rẹ asan na Ọrovwohwo re sa kẹ: eriyin ọ epha rhi te nonẹ na, Vwẹ enu rẹ ugbenu rẹ Ọrovwohwo Etiyin a da mrẹ.

Ọ da ta, Reyọ ọmọ wẹn ọmọ wẹn ọvuọvo na Aizik, rẹ ivun rọye vwerha owẹ na, re wọ yanran kpo otọ ri Moriah, rẹ wọ dia Etiyin de vwo ze izobo rẹ ẹtorhẹ vwẹ enu rẹ ugbenu ọvo na ri mi che dje kẹ wẹ.

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

Ebraham da ta, Ọghẹnẹ ọvo che bibi egbo rẹ izobo rẹ ẹtorhẹ na rhe ọmọ mẹ. Kọye ayen ivẹ na de ku usun họ.

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku, vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

Rẹ imu nana ejobi vwọ wan nu Ọghẹnẹ da davwe Ebraham ni, ọ da ta kẹ, Ebraham; O de nyo nẹ, Mẹvwẹ na.

Ẹkẹvuọvo amakashe rẹ Ọrovwohwo de se nẹ obo odjuvwu rhe, ọ da ta, Ebraham! Ebraham! O de nyo nẹ, Mẹvwẹ na.

Amakashe rẹ Ọrovwohwo da rhoma se obọ rivẹ nẹ obo odjuvwu rhe, ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.