Popular Bible Verses from Jẹnẹsis 28

Share

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi

Etiyin Jekọp de gbunie rhọvwọ nẹ ovwerhẹ rhe ọ da ta, Omuẹro nẹ Ọrovwohwo etinẹ na, ye Me gbe riẹ-ẹn.

Etiyin Jekọp de vẹ ive tanẹ, O da dianẹ Ọghẹnẹ vẹ ovwẹ da dia, rọ da sẹro mẹ vwẹ idjerhe re Me cha wan na, rọ da kẹ vwẹ emuọre kugbe amwa vwo rhuo, ri mi de rhivwi te uwevwi rẹ ọsẹ mẹ egberhẹnẹdẹ, Ọrovwohwo kọ dia Ọghẹnẹ mẹ, ubioragha nana, ri mi vwo vi na, kọ dia uwevwi rẹ Ọghẹnẹ, kemu kemu ejobi ru wọ vwọ kẹ vwẹ ke Me reyọ ẹkihwe vwọ kẹ wẹ.

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

O de se odẹ rẹ asan na Bẹtẹl, ẹkẹvuọvo odẹ rẹ orere na vẹrhe Luz e sere.