Popular Bible Verses from Jẹnẹsis 32

Share

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ.

Jekọp ọvo kọye ri chekọ obuko, ọshare ọvo de nene muabọ bẹsiẹ rẹ ọke vwo rhie.

Jekọp de se odẹ rẹ asan na Peniel, nẹ, Fikiridie Me mrẹ Ọghẹnẹ opharo ye emuọvo ru vwee.

Ọke rẹ ọshare na vwọ mrẹ nẹ ọye sa marọ Jekọpu-u, ọ da vwe obo si ekpogho owọ rọye; ekpogho owọ ri Jekọp da rhoghra rẹ ayen vwo muabọ na.

Ọ da ta kẹ, Didi odẹ wẹn? Ọ da ta, Jekọp.

Etiyin Jekọp da no, Ta kẹ vwẹ, Me rẹ wẹ, odẹ wẹn rhọ? Ẹkẹvuọvo ọ da ta, Die wọ vwọ nọ ekpẹn rẹ odẹ mẹ? Etiyin ọ da nẹ ẹrhovwo kẹ.

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

Fiki rẹ ọtiọye na emọ rẹ Izrẹl gbe re uriẹn rẹ ekpogho owọ-ọ rhi te nonẹ, kidie ọ vwẹ obọ te uriẹn rẹ ekpogho owọ ri Jekọp

Jekọp da ta, E Ọghẹnẹ rẹ ọsẹ mẹ Ebraham kugbe Ọghẹnẹ rẹ ọsẹ mẹ Aizik, E Ọrovwohwo rọ ta kẹ vwẹ nẹ, Rhivwi kpo orho wẹn bru uvwiẹ wẹn, ki mi ru we yovwi

Sivwe, Me rẹ wẹ, nẹ obọ rẹ oniọvo mẹ, vwo nẹ obọ rẹ Isọ, kidie oshọ rọye mu vwẹ, o de rhi hwe avwanre ejobi, te ini te emọ.