Popular Bible Verses from HECHOS 2

Share

Pedroca: –Taita Diosman cutirichij, cancunapaj juchacunata perdonachun Taita Dios cusha nishca jucha illaj Espirituta chasquingapaj Jesucristopaj shutipi bautizarichij.

Paicunaca apostolcuna yachachishcata yachana yuyailla yachashpami catircacuna. Caishujhuan, chaishujhuanpish shuj shinallami carcacuna. Jesús huañushcata yuyarishpa tandata chaupishpa micunapipish, Taita Diosta mañanapipish tucuicuna shuj shinallami catircacuna.

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Paicuna chashna tandancushca cajpica, ñapish shuj jatun huaira huajiashpa p'ucuj shina jahua pachamanta shamushpami paicuna tiyacun huasipi jundarca. Chaica nina lunyacuj shina ricurishpami, c'allucunatajlla asha asha p'itirishpa chaipi tiyacujcunapaj jahuapi tiyarirca. Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Taita Diospaj huasipipish, punllantami shuj yuyailla tandanacurcacuna. Jesús huañushcata yuyarishpa tandata micunatapish paicunapaj huasicunapipish micurcacunami. Chaitaca tucuicuna cushicushpa alli shunguhuanmi micurcacuna. Taita Diosta chashna alabajpi chaita ricujcunaca tucuicunami paicunahuanca alli carca. Mandaj Jesusca pai quishpichina cashcacunataca quishpichishpa punllantami tandanacushca crijcunahuan mirachirca.

“Taita Diosca cashnami nishca: Q'uipa punllacunapica, ñuca Espiritutami tucuicunapaj jahuapi tallisha. Chaipica cancunapaj churicuna, ushushicunapishmi Taita Dios huillachishcata huillangacuna. Cancunapaj q'uipa huiñaicunaca, muscuipi shinami ricungacuna. Cancunapaj yuyajcunapish muscungacunami.

Tucui crijcunami shuj yuyailla carcacuna. Paicuna tucui ima charinacunapish tucuicunapajmi carca. Paicunapaj allpacunatapish, ima charishcacunatapish c'aturcacunami. Chai cullquitaca, caishuj chaishujmanmi imalla illashcapaj chaupircacuna.

Chaipica Mandaj Jesuspaj shutipi maijanpish mañajca quishpichishcami canga” ninmi.

Intica amsayangami, lunapish yahuarmi tucunga. Jatun Dios shamuna punllapajmi chashna tucunga.