Popular Bible Verses from HECHOS 4

Share

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Chai q'uipaca, paicuna tandanacushpa tiyacun huasimi chujchurca. Paicunaca tucuicunami jucha illaj Espirituhuan junda carcacuna. Chashna cashpami Taita Diospaj Shimitaca mana manchashpa huillarcacuna.

Jatun Dioslla cunanca paicuna manchachishun yuyashpa jarcashcata ricuhuai. Ñucanchij cambajta rurajcunataca, canmanta huillangapaj imatapish mana manchana yuyaita cuhuai.

Chai Jesustaca cancunaca huasita rurajcuna mana nishpa rumita shitaj shinami rurarcanguichij. Ashtahuanpish chai rumillatajmari huasita rurangapaj callaripi churana rumi tucushca.

Pedropish, Juanpish mana manchashpa rimajta uyashpami mandajcunaca: –¿Ima shinataj mana jatun yachanaman rishca yanga runacunaca chashna rimanchu imamí?– nishpami achcata mancharircacuna. Chashna nicushpapish paicunataca, Jesushuan purijcuna cashcatami yuyarircacuna.

Crijcunaca tucuicunami shuj shungulla, shuj yuyailla carcacuna. Pi mana “caica ñucapajmi, chaica ñucapajmi” nircachu. Tucui imalla charishcacunapish tucuicunapajmi carca.