Popular Bible Verses from LUCAS 10

Share

Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.

Chaimi Jesusca cashna nirca: –Marta, Marta, canca caitapish chaitapish rurasha nishpamari musparicungui. Ashtahuanpish shujllata ruranamari alli. Mariaca ashtahuan allitami agllashca, chaitaca pi mana quichungachu– nirca.

Chaimi chai yachachijca: –Mandaj cambaj Taita Diosta tucui shunguhuan, tucui almahuan, tucui fuerzahuan, tucui yuyaihuan c'uyangui. Can quiquinta shinallataj shujtajcunatapish c'uyangui ninmi– nirca.

Cashna nishpami cacharca: “Granocunata tandanaca achcami, ashtahuanpish tandajcunaca ashallami. Tandajcunata cachachun, Chagrayuj amota mañaichij.

Chai ñanta ricuj quimsacunamantaca canpica ¿maijantaj pai quiquinta llaquij shinallataj llaquishca yuyachin?– nirca. Mandashcacunata yachachijca: –Paita llaquishpa ayudaj runari– nijpi, Jesusca: –Canpish chashnallataj ruragri– nirca.

Richij, cancunataca atujcunapaj chaupiman ovejacunata cachaj shinami cachani.