Popular Bible Verses from Dzɔ̌n 4

Share

Zə̀ kə̀ lo təzuʼ, ghî ghəla ghe kɔʼso wə̄n ki sugho alefughuu wə̄n â kɔʼso mò alo təzuʼ àsùghò alo èsəŋò.”

Nəghā e te e kpěe wò nù, zə m bùʼ kpè, ghî ghəla ghe kûu kɔʼso Zə̀ kò lo kɔʼso tsìghà Tsele ù te bòʼ ghùw wəla ù lo ghè wò an daʼa kə Zuʼ tə̀ Zɔlɔ to, tɔŋlo enyəa Tsele ù te kəŋô ŋgòʼ è àghì ghən gho alekɔʼso Wə̄n.

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Yɛso m bɛ̀lɛ̀ tsughu wə̄n enyəa, “Abugho ghù mò kwo fughu kə Kəzə̀ kò, kwo sugho ghùw wəla ù dzàa wô â ghù enyəa, ‘Fughu wò mugho â mùghù m mʉ̌a mò.’ To ghù mo nɔe tsughu, ù fughuu wô ghù â mùghù mə̀là m fughuu mughù zò.”

Yɛso n dzɛ̀ â ghee enyəa, “Fəgha kaŋa kə̀ zəa kə lo alefwàʼ fəgha kəla ghùw wəla ù tum wô mugho ləghaa enyəa M̀ fwâʼ ghè kò, àsùghò alefwàʼ à swɛlɛ̀ səā ndûw fwàʼ kə te ko.

Nughò vʉ m bvʉ â wə̄n enyəa, “Mughùbè, ghù ki yo tom kə mmùghu ko, bûʼ kə mmùghu chia kə dâa sugho, ghù sò mùghù mə̀là ŋ ki mughù zò è kuūwn nîi wô a ghɛ̀?

Nughò ù te n dzɛ̀ â wə̄n enyəa, “Ŋ̀ kwo nû enyəa Bəghambī bughòo nù (wəla ghe tɔŋlo enyəa à lò Kə̀lestò). Abugho ù bùgho, ù lo teso dzâa fughu wô ghàʼ â ghəa gho a dzə̀m.” Yɛso n dzɛ̀ â wə̄n enyəa, “À lo mugho wəla Ŋ̀ kə̀a wô ghəa gho â ghù.”

“Bùgho ndǔw kǒʼ nlǒ ghùw ù lì lo, ù dzɛ̀ mɛʼɛ̀ tsughu ghəa ghə̀n à dzə̀m Ǹ lo mò mùghò ŋ ghəəŋ kòʼ tsə̀ghà am mbī ènyə kpe! À sò yìa lǒ wə̄n Bəghambī ŋkāa à yò dzə wə̄n à?”