Popular Bible Verses from Matìo 23

Share

Ghùw wəla ù tsə̀ghàsə ghɛ a dzə̀m am bvʉa zɛʼɛ ki alelō kɔ̂ɔ fò â ghɛ̀

ghùw wəla ù kɔʼso ghue u wə̄n wo, ghe lo tsughu màʼn wə̄, ghùw wəla ù kuūwn maʼà tsughu ghue wo, ghe lo kɔʼso kɔʼ wə̄n.”

Ghɛ̀ a ghê Dèekə̀làŋ, ghɛ̀ à ghê ghì a Falàsîi ghò, ghɛ̀ lo an tsù ù ne wo, ghî a kə̀bàŋàdzə̀m tò ghɛ! Nu ghɛ̀ lo enyə ghɛ̀ kpuwso chuuw ko nǔ ndzùghò fɛʼɛ fo am fʉgha wəla ghɛ̀ kele kɔʼɔ̄ am fə̀ghàan n lə̌əm məla ghe tɔŋlo enyəa à lò mînt, dîi àsùghò kumɛ̀n, kuuwn tùe kɔ̀ʼ ghəa à səŋò ghò alo kəlàŋ, tǒ aleghəəŋ ghəa gho tsəghatsəgha, alekele tsughu se è kwuso zo, gàʼ tsùghù sùghò fə̀ŋ a zəŋò Zə̀ kò; ghən lò ghəa ghəla ghɛ̀ mô ki aleghəŋlo mò ghɛ̀ zəŋso naaŋ yo è li zo a te e mɔ̀ʼ.

Ghɛ̀ ghê Dèekə̀làŋ ghɛ̀ à ghê ghì a Falàsîi ghò, ghɛ̀ lo an tsù ù ne wo, ghî a kə̀bàŋàdzə̀m tò ghɛ! Nu ghɛ̀ lo enyə ghɛ̀ sûuw zɔ̀nso tsughuu kô beē kə təwùa àsùghò beē kə ukwāŋ, mo nlʉ̂ àsùghò fʉ̀ghazəa wəla ghɛ̀ dzəla tsughuu a te, ghɛ̀ ŋgaām nî wò am mbāaŋ tə aghəa, ghɛ̀ sô səā â sə gho.

“Hɛɛ̄ mūghō a ghî a Yɛ̀lusalɛ̀m ghò, ghî a Yɛ̀lusalɛ̀m ghò, wiin ghɛ̀ ghiīshʉ̀ghà a Kəzə̀ ghò ènyə, təəm sùghò ghì ghəla Zə̀ kə̀ tum wo a vʉ̀a ghɛ̀ alo atīa! À è zə̀ŋ lo tənəghā tə sòʼ Ǹ dəmà ko aletsəla nalà naŋā tsughu ghɛ to mbvʉ lô tsəla zûuŋ wô wɛ a wə̄n gho an ghùoo tə wə̄n a, ghɛ̀ yia boom yo à?

À bɔ̌ɔm lò sugho êzə̀ ghɛ̀ fweēn ghî à dzûŋ ghò alo esʉ̄, mò ghɛ̀ lo ghî a kə̀bàŋàdzə̀m, ki sugho ebo am fə̀n tɛʼɛ.”