Popular Bible Verses from Jn 13

Share

Mɛ me se foo nchil ɛyfɛɛ se ghɛn ge: Ghɛn yɛ koŋe ngeŋ ə sɛn. Kɛn ka me koŋen ghɛn, lu kɛn ghɛɛ-ghɛɛ ka ghɛne yɛ koŋe ngeŋ sɛn. Ghɛn lòò è yɛ koŋe ngeŋ ə sɛn, é wel əbjim me yɛ ke ge ghɛn lu ghon-ɛyfɛl nə mɛ.

Ka mɛ wɛ Báàba ə wɛn nɛ̀ ndinte yɛn suunmen ɛvəə ə ghɛn lɛ, lu sɛy ka wel se ghɛn luun se yɛ suu ɛvəə əblee. Mɛ din nɛ lu əbchəyte se ghɛn, nɛ ghɛn lu se yɛ nɛɛy se ghel ɛlee kɛn ka mɛ nɛɛyen se ghɛn.

Jesus fise ge: Wɛ̀ báà se ke kenəə kɛ mɛ nɛɛyen kin ɛ leenen. Wɛ̀ nɛ̂y keele nɛ lu se ɛybam.

Mɛ suuy əbluuy se ghɛn ge kekose lòó ke jia chia ba-ɛyfɛl nə wen, nɛ lòó wele ntum jia chia wel wɛ əb tumen wen.

Ka ghɛn keelemen əbluuy nɛ̂ vin, ghɛn loo nɛɛy dì é ke yɛ lu kejuŋ se ghɛn.

Ka ɛ́ yiɛn əbfua-əbyíɛ́ne dî əb me loole è chok ndəyse wene sɛ́ bɛye è liɛ kenfikse əbghun è chəŋ se wene əmkeŋkeŋ, è me bààtè moo se kekaŋ ɛysuu əbghun è me kɛɛte se suu ɛvəə ə ghon-ɛyfɛl nə wen, fikse nɛ̀ kenfikse əbghun kɛ ke nè luun ɛ wen əmkeŋkeŋ ki.