Popular Bible Verses from Jn 21

Share

Ɛ́ nɛy yiɛ è mɛyse, Jesus toŋte Simon Bita è bif ge: Simon, wan ə Joon, wɛ̀ lɛ koŋe mɛ chia ghine-a? Əb fise ge: Ɛɛne Báàba; wɛ̀ ke ge mɛ koŋe wɛ̀. Jesus suuy se wen ge: Yɛɛ yiɛse ghone bvəyse njiɛ nə mɛ. Jesus gese bif se wen kaŋ ɛbaa ge: Simon, wan ə Joon, wɛ̀ lɛ koŋe mɛ-a? Əb fise ge: Ɛɛne Báàba, wɛ̀ ke ge mɛ koŋe wɛ̀. Jesus suuy se wen ge: Yɛɛ toknene nɛ̀ bvəyse njiɛ nə mɛ. Jesus gese bif se Simon ge kaŋ ɛtal ge: Simon, wan ə Joon, wɛ̀ lɛ koŋe mɛ-a? Bita me se soo ketuu bek ka Jesus nè bifen se wen kaŋ ɛtal ge əb sɛ koŋe yi-a? Əb me suuy se Jesus ge: Báàba, wɛ̀ ke əbnəə əbjim; wɛ̀ ke ge mɛ koŋe wɛ̀. Jesus suuy se wen ge: Yɛɛ yiɛse bvəy ə som.

Mɛ suuy əbluuy se wɛ̀ ge nè lu ɛ əbliy wɛ wɛ̀ nè bɛɛyen wándɛ nsum, wɛ̀ nè loo wɛ̀ kul ndəy ə shiɛ è ndu naa ghááy ghaa wɛ̀ koŋen se ndu. Dî nɛ wɛ̀ náà dən è yɛ loo wɛ̀ nase keghoo ə kiɛ wel əbchin mak ndəyse se wɛ̀ əbghun è liɛ wɛ̀ è ndu so ghaa wɛ̀ báà se koŋe.

Əb suuy se ghene ge: Ghɛn mak felam ɛ ɛybee kenəke yɛ əbkoy əbtaa é ghɛn koo səəse. Ghene mak, è me se mome lòlò se guf bek ge səəse nè lu ɛ ten naa se ɛydio.

Simon Bita suuy se ghene ge: Mɛ́ shik ɛykoo səəse. Ghene suuy se wen ge: Ghɛsene shik. Ghene me lii se kenək, è shik, dî è jia koo naa kefaa ɛ ntək fo.