Popular Bible Verses from Luk 12

Share

Ghɛn yɛ lu sɛ̂y kebaaten bek ge: Wanwele nɛ̂y gwiy ɛ əbliy wɛ ghɛne báà se ke ge əb gwiye.

Ghɛn yɛ luŋ nɛ lu se kiile keleŋ ɛ məm ɛysak nə Feyine, é əb náà fo əbfua nɛ̂ vin se ghɛn əbjim.

Jesus me se suŋnen nduu ɛ mbiy se ghene ghel ɛjim, suuye ge: Ghɛn kiy, ghɛn yɛ toknen se yɛ lu ghele keŋwɛy naa ɛ jii ɛykɛ. Wele báà se chii nɛ lu bek əbfua wɛ əb kiin, koŋ əb yɛ dio naa lɛɛy.

Ke lu dî bek ge ɛykɛŋ ə wele lóó lu ghááy, ɛytem ə wene yɛ lu fo.

Lɛ lòó wel se ghɛn gise kentime əbliy se wen ɛychii ge yî ka yi fofen-a?

Jesus me suuy se ghon-ɛyfɛl nə wene ge: Mɛ suuye se ghɛn ge, ghàà ghɛn yɛ fof kum kefaa kɛ yiɛ se geese yɛ chii, gese nɛ̀ ndəy sɛ yɛ mak se əbghun.

Chèmè lu nəŋ sɛ se luun ɛ ghɛn əbtuu fene Feyine ke ge se sɛ lu se sek-a. Ghàà ghɛn yɛ fan bek ge, ghɛn ki kelik ɛyshiɛ nə Feyine chia əmnən nɛ̂ min naa se ɛydio.

Ghɛn ghɛ ɛ́ laayen se ghɛne kenon, ghàà ghɛn yɛ fan, bek ge Ba ə wɛn saŋle se fo kelik se ghɛn ɛ wen ə məme ɛysak.

Ghɛn liɛ nfek se əbgaa, əb sɛɛ jia lem əbfua-əbyíɛ́ne, kaa wiy, ki wiy techia, ki wiy ɛyŋwak; dî nɛ Feyine yiɛse ghene. Ghɛn ki kelik ɛyshiɛ nə Feyine chia ghene!

Ghàà ghɛn lɛm ɛytem se yɛ kwaate kɛn ge ɛ́ sɛ yiɛ ghɛ è gese nəə ghɛ-a? Ke fɛ ghɛn yɛ fof ɛ əbnəə nɛ̂ ghan ghɛy.

Feyine lɛ lafse əbgii wɛ əb kuyen ɛ əbkwak lan, yɛ lu ɛ likebvəchi nɛ ɛ́ kwaaymen, é ghɛn yɛ kwaate ge lòó əb lafse lɛɛy ghɛn? Ghɛn fo ɛytem se Feyine kɛn se ɛylaay lɛ lɛɛy!

Ghɛn yɛ ke ge chəm wiy yɛ ɛy yî buu ghàà bvəsen, nɛ̀ kenəə kenlete wiy kɛ ɛ́ yî buu ghàà yɛ ke.