Popular Bible Verses from Luk 17

Share

Jesus bif dì è me suuy se wel vi ge: Loole, è yɛ ndu nɛ̀ fiɛ, wɛ̀ bonenmen bek ka wɛ̀ foon ɛytem se mɛ.

Əb cheme nɛɛy mbee se wɛ̀ kaŋ saamba se kechii, è gwiy se wɛ̀ kaŋ saamba è suuy ge: Mɛ kubsenmen ɛytem ə yom, fene wɛ̀ tiy se lɛyse mbeese wen.

Ghene yɛn dì, wel əblee ɛ ghene məm me kase fiile è se kokse Feyin ɛ giɛ ɛytaa. Əb ndu è təm ɛləy ɛ Jesus ɛyshiɛ è se foo ɛykokse se wen. Wel nɛ̂ vin nè lu wele wɛ̂ Samalia.

Ghɛn toknen. Loo lu wan-no ə viɛ nɛɛy mbee, wɛ̀ kwanten wen. Əb kubsen ɛytem ə wen, wɛ̀ lɛyse mbeese wen.

Jesus me suuy ge: Ɛ́ lɛ kè báà chuk ghel ɛyvəm-a? Ghɛ buumoke ghááy?

Báàba me fise ge: Ghɛn kè boy se yɛ lu nɛ ɛ́ fó ɛytem se Feyine naa kɛn se ɛylaay ka ɛyshiɛ ngose fekak ɛylaytene, fene lòó ghɛn suuy se ndaa fekak yin ge: Məəke è lii, è yiɛte ngeŋ ə yiɛ ɛ məme jio ɛyghuy; é fe me nɛɛy kɛn ka ghɛn suuyen.

Naa ndɛ wɛ əb luŋen se babte ɛychii ə wen é náà lɛy ɛyghene, nɛ naa ndɛ wɛ əb lɛyen ɛychii ə wen é náà kiile ɛychii.

Jesus suuy se ghon-ɛyfɛl nə wene ge: Əbnəə wɛ əb nɛɛyen nɛ ghele nɛɛye mbeese tiy se gwiy, dî nɛ lòn lu se wel wɛ əb lɛɛsen wel ge əb nɛɛy mbee. Lòó ke yɛ lu kejuŋ se wen ɛ lefɛ ɛ́ chəŋen ɛytiye keban ɛ wen ə kendoŋ, è tin se jio ɛyghuy chia ka əb yɛ lu se nɛɛy ge wel se ɛtɛlɛɛ ghine nɛɛy mbee.

Kɛn ka ke nè yi ganen ɛ əmchii nə Noa, Wanwele nɛy loo gwiy, é əbnəə yɛ gan. Ghele nè lô se yíɛ́, nəə gese fiisen əbjen se chin se kechii kɛ Noa nè liin se kenək keghakene. Jio naa lun è yuyte ghel ɛjim ghɛ ɛ́ nè wiyen ɛ kenək fɛy.