Popular Bible Verses from Yohane 12

Share

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Tauna au mampokakaia watana, bara ina molambi katuwo maroa. Agaiana tauna au mokabaha peundeana haduduana i dunia ide, ina molambi katuwo maroa au bara mokahopoa.

Tou mpuu lolitaNgku ide: Iko peisa rapandiri nodo haogu pare. Hangangaa ratuda hai mate, hangko arari wuana au ngkaia. Ane bara nodo, bara ina mowua.

MaiNa i dunia ide mewali pewangka bona ope-ope tauna au mepoinalai Iriko barapohe maida i lalu kamakaindi.

Tauna au mohadi lolitaNgku agaiana bara napeulai, bara Iko au mohuku. Lawi tunggaiaKu mai i dunia ide, baraNa mai mohuku manusia. Agaiana MaiNa mokabahahe hangko i huku dosanda.

Tanganda maande, hawemi Maria moanti habotolo lana mawongi. Lana mawongi iti rababehi hangko i uaka kau au mawongi, hai masuli holona. Maria motidoroha lana mawongi iti i bitina Yesu, liliu naumpahi hai weluana. Humalele sou iti mewali mawongi.

Mangalamohe tawe harao, hai laohe modupa Yesu. Monganga-nganga liliuhe, rauli: “Tetoiami Pue Ala! Rawatimi tauna au mai i lalu hangana Pue! Pue Ala mowati Datunda to Isaraeli!”

Nauliangaahe Yesu, “Hawemi tempona, Ana Manusia rapomahile.