Popular Bible Verses from Yohane 15

Share

Ikomi patoa anggoro, hai ikamumi pengana. Tauna au mohintuwu liliu hai Iko, hai Iko mohintuwu hai ihira, rumihi powuanda. Agaiana ane megaakikau hangko Iriko, barakau peisa mobabehi apa-apa.

Mohintuwu liliumokau hai Iko, hai Iko wori ina mohintuwu hai ikamu. Daa au bara mentaka i patoa anggoro, bara mowua. Batena pea daa au mentaka i patoana ina mowua. Nodo wori ikamu: barakau peisa mowua ane barakau mohintuwu liliu hai Iko.

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Bara ara ahi au meliu kamahilena hangko i ahina hadua tauna au mohuhu tuwona bona himadana tehorema.

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Idemi hawaNgku: mombepokaahimokau, nodo kaKupokaahimi.

Ane rumihi powuami, UmaNgku rapomahile. Ane nodo nibabehi, topeguruNgku mpuumokau.

Tanganda molumao, mololitami Yesu, nauli, “Iko idemi patoa anggoro au tou, hai UmaNgku iami topokadipura anggoro.

Hema au bara mohintuwu liliu hai Iko batenda ratende, nodo karatendena daa au rabohoki duuna mewali bangi. Daa iti, ragulu hai rahuwe.

Ope-ope ide Kuuliangaakau bona kamatanaNgku ara irikamu, hai bona buke kamatanami.

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Idemi hawaNgku irikamu: hangangaa mombepokaahikau!”

Ane rapana, hamporangaakau hai tauna au bara mepoinalai, batena rapokaahikau, lawi rangandakau. Agaiana Kupileimokau hai Kupatanikau hangko i olonda, alana barapokau raporanga. Ido hai rakahihikau.