Popular Bible Verses from Yohane 19

Share

Napeminami Yesu, pane Nauli, “Hopomi!” Roo indo, motumpa, hai opemi inaoNa.

Naisa Yesu hinangka tunggaiaNa mai i dunia hopomi pane mololitami, Nauli, “MangkadouNa” bona tepabukei apa au teukimi i lalu Sura Malelaha.

Kanaitana Yesu inaNa meangka inditi i holana topeguruNa au Napokakaia, Ia mouliangaa inaNa, “Ina, itimi anamu.” Hai Nauliangaa mbuli topeguruNa iti, “Itimi inamu.” Mepongka indo, topeguruNa iti mokadipurami inana Yesu i souna.

Agaiana kahawenda i Yesu, raita matemi, ido hai barapi mewali ratepo bitiNa. Agaiana ara hadua surodado au motambuku lompena Yesu hai tawalana. Karatambukuna, moilimi wahe hai owai.

Iti mewali bona tepabukei apa au teuki i lalu Sura Malelaha hangkoia au manguli, “Bara mpuu ara hambua buuNa au ina ratepo.” Ara wori au teuki i lalu Sura Malelaha au manguli, “Ihira ina mampengoahe tauna au ratambuku.”

mopari-parihe Yesu motalondo kau mombehape lao i raoa wanua hawe i Bulu Banga waa. (I lalu basanda to Yahudi hangana Golgota .)

Surodado iti mobabehihe hambua songko kadatua au modui, hai rasongkoia Yesu. Roo indo, rabadui hai badu au malentoro nodo badu datu.