Popular Bible Verses from Lukasi 14

Share

“Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.

Nipehadingi, ikamu au mampeinao meula Iriko: hema au bara mau mohalea kau mombehape hai meula Iriko, bara peisa mewali topeulaNgku.

Hema au mampeindora ina rapaiwoi, hai hema au mengkaiwoi ina rapaiwongko.”

Napaliliu Yesu lolitaNa, Nauli, “Nodo wori ikamu, agina nipepekiri hampai apa au hangangaa nibabehi bona mewalikau topeulaNgku. Lawi ane bara niunde mokabaha ope-ope au ara irikamu, barakau peisa mewali topeulaNgku.”

Ane ara hadua hangko i olomi au mampeinao moaro haogu sou au mahile, hangangaa naimba hampai doina ba handa napopoaro sou iti. Lawi ane hangko ariina napopeangka, hai opemi doina hangko damani roo, ina raele-ele tauna au moita. Ina rauli: ‘Ae! Tauna ide mampeinao moaro sou mahile, agaiana bara handa doina!’

Agaiana ane mopaarako susa, hangangaa nukakio tauna au meahi-ahi tuwonda, au bara masilolonga watanda, au palu hai au bilo. Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

“Bure, mobundu ntepuu. Agaiana ane matawaami, peisa pae rapakebure hule? Kehapiri rapopopakarudu pea tuda-tuda, barapi mobundu. Aginami ratende. Hema au mohadi lolitaNgku ide, nipehadingi maroa!”