Popular Bible Verses from Matiu 5

Share

Hai bara ara hadua tauna au mohuwe hulo hai nabobongi. Hulo batena nawoli i paidaana bona pewangkana raita ope-ope tauna i lalu sou. Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Ikamu au meula Iriko, nodokau pewangka au raita ope-ope tauna. Wanua au raaro i wongko bulu bara ina tewuniangi.

Morasihe tauna au malelaha lalunda, lawi ihirami au ina moita Pue Ala.

Morasihe tauna au mampeinao mewali manoto i peitana Pue Ala, lawi Pue Ala ina moweihe apa au rahaoki.

Agaiana ide-ide Kuuliangaakau, nipokaahi iwalimi, hai nipekakaea tauna au mampopeahi-ahikau.

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Morasihe tauna au mapari lalunda, lawi Pue Ala ina mopalindohe.

Morasihe tauna au rapopeahi-ahi anti poulanda peundeana Pue Ala, lawi ihirami au mewali taunana Pue Ala i lalu poparentaNa.

Morasihe tauna au mampokaahi hangka ranganda, lawi Pue Ala ina mampokaahihe.

Morasikau ane rakakabosaikau, rapopeahi-ahikau hai rasalaikau hai mampopengaa lolita au kadake anti peulami Iriko. Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Morasihe tauna au mengkaiwoi, lawi ina molambihe apa au nadandiahe Pue Ala.

“Ikamu au meula Iriko, nodokau bure, lawi moantikau roa ngkatuwo i tauna i dunia. Agaiana ane bure iti mewali matawaa, peisa pae rapakebure hule? Bara! Barapi ara bunduna. Aginami ratende hai rapangka-pangka tauna.

Kamaahina Umami i suruga, bara ara kamakurana. Mewali, iti wori au hangangaa nibabehi.”

Ane tunggaiamu manguli io, nuuli ‘Io.’ Ane tunggaiamu manguli bara, nuuli ‘Bara.’ Bara maroa ane nupakaroho lolitamu hai sumpa, lawi babehia au nodo mesupa hangko i Datu Tokadake.”

“Niisato kaarana parenta au raweike hangkoia au manguli, ‘Ane ara au mombetie hai hadua modungkiki matana rangana ba mowuka ngihina rangana, nidungkiki wori matana, hai niwuka wori ngihina.’ Agaiana ide-ide Kuuliangaakau, inee nuhurungi babehiana hangka rangamu au mobabehi dake irio. Ane pandirina ara au mohapa kalimpimu hambali, nuwei mbuli kalimpimu au hambali.

Mewali, maroa-roako bona ineeko madosa i apa au nuita ba apa au nubabehi. Ane pandirina mata koanamu au moantiko madosa, nudungkiki peami hai nutende. Aginami matanta matamu hambali hai barapoko mobabehi dosa, paneko ratende i lalu naraka. Ane pandirina taie koanamu moantiko madosa, nubohoki hai nutende. Aginami matanta taiemu hambali hai barapoko mobabehi dosa, paneko ratende i lalu naraka.”