Popular Bible Verses from Markus 13

Share

Anti peulami Iriko, ina rakahihikau ope-ope tauna. Agaiana tauna au meula liliu Iriko duuna i kahopoana ina tehoremahe.”

Ido hai hangangaa mainga-ingakau hai masilolongakau, lawi bara niisa impira kahaweNgku.

Ane rahakakau hai raantikau i pebotusia, ineekau langa ba noumba pehanami. Ane hawe tempomi mololita, niuli peami apa au napopaisaakau Pue Ala. Lawi apa au niuli tempo iti, bara mesupa hangko i pekirimi, agaiana hangko i Inao Malelaha.

Langi hai tampo ina magero, agaiana lolitaNgku batena ara hawe i hae-haena.”

“Agaiana ane alo hai jaa pewaliana ope-ope iti, batena pea UmaNgku au moisa. Bara mpuu ara hadua tauna au moisa. Mogalorihe malaeka au i suruga, bara wori raisa. Hai Iko, AnaNa, bara wori Kuisa.

Ane mohadikau pombeala, ba bambari pombeala, inee nipowulunga, lawi ope-ope iti hangangaa mewali, agaiana bara mani hawe kahopoa dunia.

Mewali, ikamu wori hangangaa mainga-ingakau bona ane unga pea hawe ampu sou barakau nalambi tangami leta, lawi bara niisa ba impira kahaweana ampu sou, ba kalumba ba i tanga kaindi ba hungku mabaa ba madondo-dondo. Hangangaa mainga-ingakau, lawi bara niisa impira kahaweaNgku. Apa au Kuuliangaakau ide, Kuuli wori i ope-ope tauna. Hangangaa mainga-ingakau!”

I tempo iti, tohangamba ina mombeala hai tohangambana, kadatua hambua ina moewa kadatua hambuana, hai iumba-umba pea ara linu hai rimi. Agaiana ope-ope iti, hangko pepongkana, nodo kapari au nahadi hadua towawine au ina moana.

Hai Ngkora Marasa hangangaa rapahawe hampai i humalele dunia, hangko peisari mewali ope-ope au natunggai Pue Ala.

Lawi bosa tauna ina mai hai mangulihe kaihiranami Datu Topehompo, alana bosa tauna ina rapakanawo.

Agaiana ikamu, mainga-ingakau! Lawi ikamu ina rahaka hai raanti lao i topebotusi agama Yahudi. Ina rapopeahi-ahikau i lalu sou penombaa. Anti peulami Iriko, ina rahuhukau i gubernur hai i datu. Indo, ina raweikau tempo mopahawe kana i pepoinalaimi Iriko.

Lawi ina hawe bosa tauna au mepakanawo au moulihe kaihirana Datu Topehompo, ba au mouli kaihirana nabi. Ina mobabehihe tanda kuasa hai tanda au metingkarai bona mopakanawohe bosa tauna. Rapari-pari wori ane peisa, maitu tauna au napileimohe Pue Ala mewali taunaNa, rapakanawo wori.

“Mewali, i tempo iti, ane liumi tempo kapari iti, alo ina mewali makaindi, wula barapi mewangka, hai betue ina manawo hangko i langi. Ope-ope au makuasa i langi ina rumihi kamagunegonda.