Popular Bible Verses from LUCAS 16

Share

“Pichus as chhika chaniyuq kaqkunata chiqampi apaykachan chayqa, achkha chaniyuq kaqkunataqa chiqanllapitaqmi apaykachanqa; jinataq pichus as chhika chaniyuq kaqkunapi mana chiqampi apaykachan chayqa, achkha chaniyuq kaqkunataqa manallataqmi chiqampi apaykachachkanqachu.

“Manam pi jaywaqpas kikimpachapi iskay wasiyuqman jaywayta atichkanmanchu; imaraykuchus ujta chhiqnikunqa ujkaqtataq munakunqa, manachayqa ujman sumaqta jaywanqa ujkaqmantaq juch'uychanqa. Manam Diostawan qhapaq kaytawan jaywayta atikuchkanmanchu.”

Qankunachus kay pachapaq llullawan taripasqa qhapaq kaqkunawan mana chiqampi apaykachankichis chhikaqa, ¿piñataq chiqan qhapaq kaqkunata apaykachachisunkichisri? Wajkunapaq kaqninkunajawapichus mana chiqanta apaykachapunkichis chhikaqa, ¿piñataq qankunapaq wakichasqa kachkan chayta qusunkichisri?

Chaywampas Abrahamqa payman ajinata nirqan: ‘Moisesman jinataq Diospaq sutimpi willaqkunamanchus mana uyarinku chhikaqa, manallataqmi pi wañusqamanta kawsarimuqmampas iyaw nichkanqakuchu,’ –nispa.”

“Pichus warminta wijch'un, jinaspa waj warmiwan runachakupun chhikaqa, millay khuchi juchatam chay qhariqa ruwan; jinataq pichus wijch'usqa warmiwan runachakupun chayqa millay khuchi juchallatataqmi ruwapun.