Popular Bible Verses from Luk 11

Share

Ghạlamo nyina ạbukaraph phọ bịn rẹngo ghan ni nmụny anyina igey ạraraar kụ ẹghiom nụun ologhi ịdi Ọde phọ anyina odi bọ kꞌạke phọ kạngo bụphe ọlom bọ nyọdi Uwaloor Iigbia phọ?”

“Kụ mị rịḅeni ghan inyina mọ ịlom ghan, kịngo ni inyina. Ịwa ghan, nyina kẹmiin ni. Ikar ghan, kighughuronaan ni inyina.

Tọrobo oye lọ ạlom, kọngo ni nyọdi. Oye lọ ạwa kạmiin ni. Oye lọ akar, kokughuronaan ni nyọdi.

Kụ ạJizos ạḅeni bịdi mọ, “Mem lọ nyina rẹeḅereghi, ịḅem ghan mọ, “‘Ọde, eegu ẹrolonaan ḍien phọ ạna! Ọmar phọ ạna aru ni!

Sạr ịkaraph phọ ayoor ụwilenaan iyoor, ịdipho yoor rọbilenaan ghan bọ tọrobo ọlo uḍighi iyoor ịkaraph. Kámeera yoor omeel oḍighinaan ọdegh ophogh.’”

Ụngo ghan iyoor eḍien ẹlo aḍio ḍio ḍio.

Ariḍien phọ ạna kụ ọtozi aloor phọ ạna. Eḍighi mạar dị nạ ạmoogh eeḅi ekpeḍien, pọ ạḍiḅaal kụ imuza oomo aloor phọ ạna. Kụ eḍighi mạar dị nạ ạmoogh ẹkaraph ekpeḍien, pọ ufiri maḍigh loor phọ ạna amuza.

“Oye ólho dị kạsu ọtozi kụ ạbooghi, ḅịle kẹn ạsighe ịyaar aakpereghiom. Kạḅam ghan ghụn ạnyu igbogh ịkasi pịdi awe lọ oḍigh otu phọ ọmiin ghan eten.