Popular Bible Verses from Yuhanna 10

Share

Chor to khali chori kare, jaan se maare aur nuksaan kare aay hei. Ham to aaya hei ki u sab ke jeewan mile, aur puura jeewan mile.

Hamahi achchha shepaḍ hei, jon aapan bheṛa ke waaste jaan bhi de sake hei.

Hamaar bheṛa to hamaar awaaj sune hei, ham ulog ke janta hei aur ulog hamaar pichchhe aay hei.

Ham u sab ke anant jeewan deta hei, aur u kabhi nai mari aur u sab ke ham se koi nai chheene saki.

Ham gaiṭ hei. Jon koi ham se bhittar aai uske uddhaar hoi, u bahire aur bhittar aay jaay saki aur chaara paai.

Ham achchha shepaḍ hei. Ham aapan bheṛa ke janta hei aur u sab hamme jaane hei.

Jon hamaar Pita hamme dees hei wahi sab se mahaan hei aur uske koi bhi hamaar Pita se nai chheene saki. Pita aur ham ek hei.”

Wahi rakam jeise hamaar Pita hamme jaane hei aur ham aapan Pita ke janta hei, ham aapan bheṛa ke khaatir jaan bhi de sakta hei.

Hamaar laaif ke ham se koi nai chheene sake hei, lekin ham apne uske khusi se deta hei. Hamme aapan laaif dewe ke adhikaar hei, i bhi adhikaar hei ki uske fir se lauṭaay lei. Aur yahi hei jon hamaar Pita hamme hukum dees hei.”

Yahi kaaran Yeeshu fir se bolis, “Ham tum se sachche bolta hei ki sab bheṛa ke duaari hamahi hei.

Ek majduur, jon maalik bhi nai hei aur shepaḍ bhi nai hei, bheṛiya ke aate dekh ke bhaag jaay hei, tab bheṛiya bheṛa ke pakaṛ le hei aur baaki ke idhar udhar bhagaay de hei.

Yeeshu bolis, “Ham tum se sachche bolta hei, ki jon duaari se nai lekin dusra rasta se bheṛa ke gaiṭ ke bhittar jaay hei, u chor aur ḍaaku hei.