Popular Bible Verses from Yuhanna 16

Share

Ham tumme i sab bataaya, ki jisse tum ham se saanti paao, kaahe ki tum ham se juṭa hei. Dunia tumme sataai. Lekin himmat rakkho! Ham dunia ke jeet lia hei!”

Lekin jab Pawitr Aatma aai aur Parmeshwar ke baare meñ sachcha baat bataai, tab u sachchaai ke bagal sab ke le chali. U aapan bagal se kuchh nai boli, lekin wahi boli jon u sunis hei aur aage chal ke hoy waala hei.

Abhi tak to tum hamaar naam se kuchh nai maañga, lekin ab maañgo to tumme mili, tab tumhaar khusi puura hoy jaai.”

Lekin ham tum se sachche bolta hei, ki i tumhaar khaatir achchha hoi ki ham chala jaai, kaahe ki agar ham nai jaayga to madadgaar tumhaar lage nai aai. Aur jeise ham jaayga, weise madadgaar tumhaar lage bhej dega. Aatma aay ke, dunia ke log ke paap, dharam, achchha, bura aur nyaay ke baare meñ samjhaai.

Yahi abhi tumhaar sañghe hoy hei, tum abhi udaas hei, lekin ham tumme fir dekhega, to tumhaar man khusi se bhar jaai, eisan khusi jiske tum se koi chheene nai saki.” “Jab u roj aai, tab tum ham se kuchh nai maañgega. Ham tum se sachche bataata hei, agar tum Pita se hamaar naam pe kuchh bhi maañgega, u tumme hamaar naam se de dei.

Ham tum se sachche bolta hei, tum sab royga aur soch karega lekin sab dunia khusi manaai, tum dukhi hoyga, lekin tumhaar dukh, sukh meñ badal jaai.