Popular Bible Verses from Luuk 11

Share

Tum kharaab hoy ke bhi aapan laṛkan ke achchha achchha cheej deta hei. To tumhaar swarag ke Pita se, agar koi Pawitr Aatma maañgi to u dewe ke waaste hardam taiyaar rahi.”

Yahi kaaran ham tum se bolta hei, maañgo to tumme mili, khojo to tum paayga, nok karo to tumhaar khaatir khola jaai.

Kaahe ki jon koi maañgi, uske mili, jon khoji, u paai, aur jon nok kari, uske khaatir khola jaai.

Yeeshu usse bolis, “Jab tum preya karo, to bolo, ‘E Pita, madat kar ki tumhaar naam pawitr maana jaay, aay ke aapan raaj banaao.

Hamaar paap ke maafi karna, Jeise ham u sab ke maaf karta hei jon hamaar sañghe kharaab karis hei. Aur hamme ṭesṭ meñ nai laana.’ ”

Hamaar din bhar ke roṭi, hardam hamme dena.

Tumhaar aañkhi tumhaar deñhi ke roshni hei. Jab tumhaar aañkhi ṭheek hei, tab tumhaar deñhi roshni se bhara hei. Lekin agar tumhaar aañkhi achchha nai hei, tab tumhaar deñhi meñ bhi añdhera bhar jaay hei.

“Koi bhi batti jaraay ke pyaala ke nichche ya kahiñ aur chhipaay ke nai rakkhe hei, lekin uske aur uppar ke jagha pe rakkhe hei ki jisse jon koi bhi ghar meñ aai u laaiṭ dekhi.