Popular Bible Verses from Luuk 15

Share

Aur wahi lage u uṭh ke aapan bappa ke ghare jaay laga. Lekin jab u ghar se kuchh duur pe raha ki uske bappa uske aate dekh lees aur uske uspe taras aay gais, aur dauṛ ke aapan laṛka ke gale lagaais aur chumma le lees.

Kaahe ke i jon hamaar laṛka mar gais raha, ab jinda hoy gais hei aur heraay gais raha, ab mil gais hei.” Aur sab khusi manaay lagin.

Ham tumme bataata hei ki yahi rakam ek man firaay waala paapi ke waaste swarag meñ bhi bahut khusi manaawa jaai, jab ek paapi u sao meñ se Parmeshwar ke bagal ghuumi aur naainṭinaain achchha log ke ghuume ke nai jaruurat hei.”

Ham aapan bappa ke lage jaayga aur usse bolega, ‘E bappa, hamme maaf kar deo. Ham tumhaar aur Parmeshwar ke agaiñsṭ paap kara hei.

U laṛka bolis, “E bappa, ham to tumhaar aur Parmeshwar ke agaiñsṭ paap kara hei, aur ab ham tumhaar laṛka bolaay laayk nai hei.”

“Agar tumhaar lage ek sao bheṛa rahta aur usman se ek heraay jaay, to tum kaa karta? Kaa tum u naainṭinaain ke khula meidaan meñ chhoṛ ke u ek jon heraay gais hei, uske jab tak mil nai jaay, nai khojta?