Popular Bible Verses from Shave 20

Share

«'Ya ya kaMahwətə Shala ta ŋa nya kekelakave ŋa shave mbe Ɛzhipte nya se na kamava. Gwəɗəŋəma na kwa kema ta kweci shala keɗema 'ya kwetɛŋe ɗa ma.

Mene nda ma kwete shala na ke ghəa ŋa, ya pa ta wəshi nyi pelɛ ghweme, te hɛɗi keɗema kwa yɛmə nya mbe hɛɗi ma. Gwəɗəŋəma na kwa kema ta pa ta wəshia shɛhɛ ma, hawema na va hɛ ma. Kwa nza ŋkɛ ne, 'ya ya kaMahwətə Shala ta ŋa, Shala nya kezlɛ. Ma kebezemte ɗa ghena wəndə ne, kateme 'ya te wəndəa shɛ, te ŋwalea ŋkɛ, hwa'a te kwa maheke keɗema kwa wəfaɗe ta hwelefe.

Hawe va yiteyɛ ŋa ba'a meyɛ ŋa, yitea jive hɛa ŋa biyake te hɛɗi nya ve ŋa 'ya, 'ya Shala Mahwətə ta ŋa.

Zaghəma ve ɗa veci kezhɛne mpi na tekeleke ma.

Hekɛmema sləa ɗa, 'ya Shala Mahwətə ta ŋa na gəmə ma, kwa nza ŋkɛ kande beze ghena ve wəndə nya kala nyagha 'ya, 'ya Mahwətə.

Hɛ ŋkwaŋe temene na kamene slene nyi va gha. Ama kwa mberefaŋe ta hɛ ne, gheŋkɛ ya kaveci kezhɛne mpi nya keveyi ɗa geva tekeleke, 'ya Shala Mahwətə ta ŋa. Menema slene na te vecia shɛ, ya gha, ya wəzege teza ta ŋa, ya wəzha ta ŋa, ya nde mene slene ta ŋa, ya kwatera ta ŋa, ya wəshi keseɗa ta ŋa, ya nde se se nya ki ghɛa ŋa ma.

Slama ntsə na yitea ghɛa nde ghedəkwəa ŋa, ya male ta ŋkɛ, ya nde mene slene ta ŋkɛ, ya kwatera ta ŋkɛ, ya sla ta ŋkɛ, ya kwara ta ŋkɛ, ya yayata wəsə nya ve ma.»

Negha nda ma fete tseŋwə na ke nde ghedəkwəa ŋa ma.

Valema na tahe ma.

Peslema wəndə na ma.

Ghərəma na ma.