Popular Bible Verses from GÉNESIS 26

Share

Shuj llactamanda purij runashna, cai llactapillata causajuilla. Ñucaca canhuanmi casha, candaca bendiciashami. Cai tucui alpacunataca canmambash, cambaj miraicunamambashmi carasha. Chashna carashpami, cambaj taita Abrahamman juramentushcataca pactachisha.

Cambaj miraicunataca, jahua pachapi luzerocunatashnami, ashtaca ashtacata mirachisha. Cambaj miraicunamanmi, cai tucui alpacunataca carasha. Tucui cai pachapi tiaj llactacunaca, cambaj miraicunamandami bendiciai tucunajunga. Ñuca rimashcata Abraham uyashcamanda, imata rurai nishcata, ñuca mandashcacunata, ñuca escribichishca shimicunata, ñuca mandashca shimicunata cazushcamandami, bendiciai tucunajunga” nijurcami.

Isaac runaca, chaimanda anchurishpami, shuj jatun utujuta allachirca. Chai yacumandaca, na fiñanajurcachu. Chaimandami chai yacutaca, “Rehobot” shutita shutichirca. Paica cashnami nijurca: “Tucuipi ali llujshichunmi, Mandaj Diosca ayudahuarca. Chaimanda cai alpapillata mirashunchilla” nijurcami.

Mandaj Diosca, Isaacman ricurishpami, cashna nijurca: “Ama Egiptoman urai richu. Maijan llactapi ñuca causai nijpipash, chaipi causanguilla.

Shina nijpimi Isaac runaca, chaipi shuj altarta shayachishpa, Mandaj Diospaj shutipi mañajurca. Shinallata paipaj carpatapashmi, chaipi shayachirca. Chaipillatami Isaacta servijcunaca, yacuta llujchingapaj shuj jatun utujuta allarca.