Popular Bible Verses from GÉNESIS 28

Share

Ricui, ñucami canhuan cani. Candaca, maita rijpipash cuidashami. Shina cuidashpami, cai llactaman tigrachimusha. Canman ñuca imatalla nishca pactangacaman, candaca napacha saquishachu” nircami.

Mandaj Diostapash, chai chacana umapi cajtami ñapash ricurca. Paimi cashna nirca: “Ñucami, cambaj abuelo Abrahamda Mandaj Taita Dios cani. Cambaj taita Isaacpaj Taita Diospashmi cani. Can sirijungui chai alpataca, canmambash, cambaj miraicunamambashmi carasha.

Jacobo muscujushpa rijcharishpami, cashna nirca: “Mandaj Diosca, cai pambapipachamari cashca. Chaitaca na yachashcanichu” nircami.

Chaipillatami Jacoboca, Diosman imagutapash carashami nishpa, cashna nijurca: “Taita Diosca, cai ñuca rijuj ñambi ñucahuan rishpa cuidahuashcanman. Shina cuidashpaca, ñuca micuchun micunata carashpa, ñuca churajuchun churajunatapash carahuashcanman. Ñuca taitapaj huasimambash, casilla ali causaiguhuan tigrachimushpaca, Mandaj Diosmi ñucapaj Taita Dios canga. Shuj ricuchina cachun churashca cai rumimi, Taita Diospaj huasi canga. Chaimandami, tucui imata can ñucaman carashcatapash, chungamanda shujguta canman shicanyachipasha” nijurcami.

Cambaj miraicunaca, ñutu alpashnami ashtacacuna canga. Indi huashajuj ladomandaca, indi llujshimuj ladocaman jahua ladomandaca, urai ladocamanmi jundanajunga. Canmandapash, cambaj miraimandapashmi, cai pachapi causaj tucui familiacunaca, bendiciai tucunajunga.

Shina rurashpami, chai pueblo pambaca pundaca, Luz shuti cajpipash, Bet-el shutita shutichirca.