Popular Bible Verses from LUCAS 14

Share

“Maijan cashpapash ñucata catingapaj munashpaca, paipaj taitata, mamata, paipaj huarmita, huahuacunata, paipaj huauquicunata, panicunata, paipaj causaitapash na llaquishpa na ricunayachishpallami, ñucapaj yachajuj tucunga.

Maijan cashpapash paipaj cruzta aparinshna ñucata na catishpaca, napacha ñucapaj yachajuj cai ushangachu.

Chashnallatami jatun tucushpa causajtaca, Diospash pingaichinga. Ashtahuangarin na jariyashpa causajtaca, jatumbimi churanga— nijurcami.

Chashnallatami maijambash canguna puramanda imata charishcata na tucuita saquishpaca, na ñucapaj yachajuj tucui ushanguichi.

Canguna puramanda maijambash huasiguta rurangapaj munashpaca, culquigutaca pactana, na pactanatapash, ¿nachu chaitara cuentanguichiman? Na cuentashpa yangata huasichi callarijpica, culqui na pactajpimi, ashata callarishcalla shayajunga. Shina tucujpica tucuicunami, chai runataca asishpa ricunga. Shina asishpami: ‘Cai runaca, huasichingapajmi callarirca. Ashtahuangarin huasichitaca, na ushashpami saquin’ ninajungami.

Ashtahuangarin jatun micuita rurajushpaca, imagutapash na charijcunata, shuj maqui cashpa, shuj chaqui cashpapash illajcunata, jangacunata, ñausacunatami micungapaca shamupaichi nishpa carana cangui. Shina rurashpaca, ninandami cushijungui. Paicunaca, canman cutin tigrachishpa caraitaca na ushangachu. Ashtahuangarin can carashcamandaca, imatapash cashcatapacha rurajcunahuan causarishpami japingui— nijurcami.

Cachica aligumi. Ashtahuangarin cachi aminda cajpica, ¿imahuanshi mishquiyachinga? Aminda cajpica, alpapi shitangapajpash, huanuta tandachishcapi churangapajpash, na alichu. Canllapimi yanga shitanga. Uyangapaj rinrita charishpaca, aliguta uyaichi” nijurcami.