Popular Bible Verses from MAKUH 14

Share

“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

Cun kawn ah BAWIPA Jesuh naw, “Nangmi naw tüihtok nak nami phiawn nak vai ah taigü ne ana ging vä, mümcha naw ng’ya hlü sei phi, pumsa thagui kä om ci nei” ci ne pyen na gui ci.

Kei naw akcang ka pyein cu, Thu Ni ng’shäu nak ah kho nüng ah shin ah hnumi cu chang naw a shüm vai ah, ani ah bilawh cu pyein sak khai gui nei” cine pyen na gui ci.

“Kei cu kam lung kyong na aih khai ah ka yaica ci. Nangmi naw shin ung ngaih na ne nami na gin vai nei” cine ang düihpüi thum gui cu m’cäi gui shüt ci.

BAWIPA Jesuh la ang düihpüi gui cu mü-ei ami ei yah ung, BAWIPA Jesuh naw m’htut cu la netah Khanpughi m’hlüngtai ne taigü ci. Cun kawn ah m’htut cu k’bou ne, “Shin ah m’htut cu kei ah ka pumsa ah kyak ci, la ne nami ei vai” cine ang düihpüi gui-am tei gui ci.

Cun kawn ah khap cun phi la ne Khanpughi m’hlüngtai netah, ang düihpüi gui-am tei gui sei, ngami ami van naw awk ci gui. BAWIPA Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci.

BAWIPA Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci.

Law vä, mi hteit kaw, ga ah kut ung kei na ap khai ah chang cu gawk law pyi ci nei” cine pyen na gui ci.

BAWIPA Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.