Popular Bible Verses from MAKUH 16

Share

BAWIPA Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

Zum ciah chang gui cun naw cäi aih vai bi nak hning ah hlüngtai nak gah khai gui. Kei ah ming awn khoshe phi k’täm khai gui, thu a hlü hlü phi pyein hning khai gui, Ngami naw k’phyu k’nget ami k’pan ung phi bäi, sih nak vai ah ng’tuui tui ami awk ung phi bäi, ngami ung sih nak kä om khai. Gawpai ci gui ah khan ah ami kut taih ne gai sak gui khai gui” cine m’thein gui ci.

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

Ang düihpüi gui cu kho nüng ah hteit ne Thu Ni cu pyein ci gui. Ngami cu BAWIPA naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

Cun ah chang naw, “Kä kyikyawk vä, nangmi naw kutlamtung ung tai ne nami ngawn ah Nazaret chang Jesuh cu nami shui ciah kä kya ne ang? Ani shin ung kä om ba ci nei, sih nak ungka tho ba pyi ci nei. Teng shüm vä, shin cu ani ah a gook phuh nak te ah kyak ci nei.

Ami hteh lam ah ngami cu, khui m’kawt khai nak ah lungnu a u naw m’hlat ne nak hmawn tu gui khai ang?’ cine ami mät ng’htau ci gui. (Cun ah lung nu cu ang htei ah däm aih ci.) Ngami naw gawk ne teng law u khätah, cun ah lungnu cu m’hlat ne k’hmawn pyi ah kyasei hmuk ci gui. Cun kawn ah ngami cu khui m’kawt ung va lut u netah, a bawk pükpük sui ciah ak hmaw chang tumat k’pat lam ung ngo sei hmuk ci gui. Cun ah kyasei ngami cu cäicat ci gui.