Popular Bible Verses from Yaahaya 14

Share

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

“Mwihihankayikhise rooho zenu. Mwinkhupali Nluku, na theenya mwikikhupali miiyo.

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Otule ansiilaaye oruma waka na khushututela oto ti anikiphetaaye; na otule anikiphetaaye oniiya woophetiwa ti Paapa, na miiyo theenya kininpheta na kinjithoonyeza khwa ye.”

Miiyo kinttela onvekela Paapa yoori awinkheni Namalipisela nkina, yoori eeye vamote na mweeyo khwa mileele, Rooho ya haakhi, atthu a voolumwenku ahinttelaaye opokhera, maana, khanteela woona na wala khanjuwa. Ila mweeyo mwinjuwa, maana Yo eniikhala nkatthi mweenu na enttela wiiya na mweeyo.

Na zooshi mwinttelaaye oveka khwa nzina laka, miiyo kinretta, yoori Paapa attitthimisiwe khwa mwanawe. Wakhula etile mwinvekaaye khwa nzina laka kintta oretta.

“Nkhama mweeyo mwinikipheta, mwinteela oshututela oruma waka.

Owawe paapa ewaakho puuro zawaatta; eriwaka khayaari ethiito, akaari owuuzani, yoori kinttela otthenkeza puuro yenu.

Na amana kilawa kitthenkeza puuro yaya eto, kinlawa karuti kuuthuleni mweeye vamote na miiyo attaapho kinttelaaye wiiyavo.

Khujipu Tome yoori: “Mbwana, fweeyo khaninjuwa ohali oneettaawo! Khi ninjuwa toovi tarikhi yaya?”