Popular Bible Verses from YAWHAN 11

Share

Bai Yesu gaw, “Ngai gaw bai hkrung rawt ai lam hte asak hkrung ai lam rai nga nngai: ngai hpe kamsham ai wa gaw, si mat timung ahkrung nga na ra ai: asak hkrung nna ngai hpe kamsham ai wa kadai mung, si ai galoi mung n hkrum na ra ai. Ga ndai hpe nang kam nni?” ngu nna shi hpe tsun wu ai.

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai, n rai ni?” ngu nna shi hpe tsun wu ai.

Yesu mung myi prwi pru nga ai.

Yesu gaw dai ga na jang, “Dai machyi gaw si machyi n rai: de a majaw Karai Kasang a Kasha hpung shingkang dan pru u ga nga nna, Karai Kasang a hpung shingkang matu byin ai rai nga ai,” ngu nna tsun dat wu ai.

Shing nga tsun ngut jang shi gaw, “Lazaru e, pru wa rit law,” nga nna nsen kaba hte jahtau dat wu ai. Shaloi si mat sai wa gaw, shi a lagaw lata hta sumpan yan ahkyen nna, myi man e mung hpajet kayawp ai hte pru wa ai, Yesu gaw, “Shi hpe raw nna dat dat mu,” ngu nna shanhte hpe tsun mu ai.

Dai majaw Yesu gaw shi kraw kata e bai yawn madai ai hte lup de sa du ai: dai lup gaw lungpu hku rai nga ai rai nna, lung tawng hte pat da nga ai.

Shing nga nhtawm, “Anhte a jinghku wa Lazaru yup nga ai: rai timung, shi hpe jasu na ngai sa na nngai,” ngu nna shanhte hpe bai tsun mu ai.