Popular Bible Verses from LUKA 12

Share

Dai rai nna nanhte mung chyip chyip rai nga mu: kaning rai nme law, nanhte n dum n mi re ai ahkying hta e, dai Masha Kasha du sa na ra ai,” ngu nna tsun mu ai.

Nanhte chyawm gaw shi a mungdan hpe tam nga mu, shaloi dai lam nlang nanhte hpe kahtap jaw na marin dai.

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

Kaning rai nme law, nanhte a sutgan nga ai kaw, nanhte a myit masin mung nga na malit dai.

Nanhte hta kadai wa mi myit tsang ai hte, tinang a aprat hpe dawng mi jat la lu myit ni?

Bai shi a sape ni hpe, “Dai re ai majaw ngai nanhte hpe tsun made ga, ‘Hpa lu hpa sha na, nga nna asak a matu, hpa bu hpa hpun na, nga nna a matu hkum tsang nga myit

Nanhte a baw na kara singgawng mahkra hpe pyi, hti da nu ai. Hkum hkrit myit: u tsa law law hta nanhte grau nna hpu nga myit dai.

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

U hka ni n gat n hkai, n dan n shu ma ai hpe, myit yu mu: dai ni gaw mamdum hte sutdek n lu ma ai; rai timung Karai Kasang gaw dai ni hpe shahpa jaw da nga mu ai: nanhte gaw u ni hta gade grau hpu myit ta?

Nanhte gaw, hpa lu hpa sha na, nga nna hkum tam myit: myit ung ang ai mung hkum rawng myit

Ai n kam ai baw e, dai ni nga nna hpawt de wan mang hta kabai bang kau ai nam na tsingdu hpe, Karai Kasang shing re ai jahpun da ai rai yang gaw, dai hta n ga nanhte hpe jahpun na myit dai, n rai ni?

N pru n dan lu hkra magap da ai arai gaw n nga ai; n chye n chyang lu hkra makoi magap da ai arai mung, n nga ai.