Popular Bible Verses from LUKA 23

Share

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

Shaloi Yesu gaw, “Ngai nang hpe teng teng tsun de ga, Dai ni jang nang ngai hte rau Hparadisu e nga na rai nga ai,” ngu nna shi hpe htan wu ai.

Shing nga nhtawm, shi gaw, “Yesu e, nang na a mungdan hta du wa yang, ngai e dum rit law,” ngu nna hpyi wu ai.

Shaloi Yesu gaw, “Wa e, nye a Wenyi na a lata hta ngai ap ya de ai,” nga nna nsen kaba hte jahtau wu ai: shing nga tsun ngut jang, shi nsa hti mat ai.

Ya Pungkum ngu ai shara de du jang, shanhte gaw shi hpe mung, damya yan hpe mung, shi a hkra maga de langai mi, pai maga de langai mi di nna, wudang hta jen da mu ai.

Ya gaw ahkying kru daram rai nga ai rai nna, jan a ahtoi nip mat ai majaw, hkying jahku du hkra mung ting nsin chyip rai mat ai; nawku Htingnu na nba grang mung, ka-ang brang rai ga mat ai.

Shing rai byin ai lam ni hpe hpyen latsa up ai bu wa mu wu yang, “Gaja wa teng teng ndai wa gaw dingman ai wa rai nga ai,” nga nna Karai Kasang hpe shagrau sha-a wu ai.