Popular Bible Verses from LUKA 9

Share

Bai nlang hte hpe shi tsun mu ai gaw, “Nye a hpang hkan sa mayu ai wa kadai mung, tinang hkum hpe ndang kau nna, shani shagu tinang wudang hpai let, ngai kaw hkan nang ru ga.

Tinang a asak hkye la mayu ai wa kadai mung asak sum na ra ai; nye a jaw e tinang a asak sum ai wa chyawm gaw, asak hkye la lu na wu ai.

Yesu gaw, “Na htai jum nna hpang de kayin yu ai wa kadai mung, Karai Kasang a mungdan hte n ging n dan nga ai,” ngu nna shi hpe tsun wu ai.

Masha gaw, ndai mungkan ting hpe madu lu da nna, tinang dai hten byak sum mat yang gaw, shi a matu hpa akyu nga lu ta?

kaning rai nme law, ngai hte ndai nye a ga hpe kaya ai wa kadai hpe mung, dai Masha Kasha gaw tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa yang, dai wa hpe kaya kau na ru ai.

Yesu gaw, “Chyahkyawn ni nhkun lu ma ai, ntsa malen pyen ai u ni mung, u yup lu ma ai; dai Masha Kasha chyawm gaw baw tawn na shara pyi n lu nga ai,” ngu nna shi hpe tsun wu ai.

“Ndai ma hpe nye a amying majaw, hkap la ai wa kadai mung, ngai hpe hkap la ai rai nga ai; ngai hpe hkap la ai wa mung, ngai hpe shangun dat ai wa hpe hkap la ai rai nga ai: dai rai nna, nanhte mahkra hta grau kaji ai wa gaw kaba grau ai wa rai nga ai.