Popular Bible Verses from Juan 19

Share

Tsay vïnuta yawarkurmi Jesús kayno nirqan: <<Lapantanami cumplishqä>>. Tsayno nirkushpanmi wanurqan.

Lapanpis cumplishqana kashqanta musyarmi Tayta Diospa palabran cumplikänanpaq Jesús kayno nirqan: <<¡Yakulaw!>>

Mamanta y kuyashqan discïpulun nawpancho kaykaqta rikärirmi Jesús kayno nirqan: <<Mamä, paynami wawayki kanqa>>. Nirkurnami kuyashqan discïpuluntapis kayno nirqan: <<Kananqa mamaykitano rikaykulanki>>. Tsayno nishqanpita patsami wayinman pusharkur mamantano rikarqan.

Jesús wanushqana kaykaqta rikarmi paypa chankankunataqa mana pakirqannatsu. Tsaypa trukanqa juk soldädumi lanzawan lapsha pachanpa tuksirqan. Tsaymi yawarwan yaku jukla yarqamurqan.

Tayta Diospa palabranpis kaynömi niykan: <<Manami ni juk tululantapis pakinqatsu>>. Lapan tsaykuna pasarqan Tayta Diospa palabran cumplikänanpaqmi. Tsaynölami Tayta Diospa palabran kayno niykan: <<Tuksishqantami rikapäkunqa>>.

Cruzta umruparkurmi Jesústa apapäkurqan Calavëra nishqanman. Hebreo idiömachöqa Calavëra nishqanta Gólgota nipäkunmi.

Soldädukunanami kashapita corönata awaykur Jesúspa umanman jatiparqan. Tsaynöpis granäti cäpatami ayluparqan.