Popular Bible Verses from Lucas 10

Share

Qamkunatami munaynïta qoshqä culebrakunata y alacrankunata jarunaykipaq y Satanás imata ruraptinpis vincinaykipaq. Satanásta ichipaptikipis manami imapis pasashunkipaqtsu.

Tsaymi Señor Jesús kayno nirqan: <<Marta, Marta, qamqa ruraynikikunalapaqmi afanädu kaykanki. Lapanpitapis juklaylami mas aliqa kaykan. Tsaytami nanayki Maríaqa akrashqa. Pay yachakushqantaqa manami pipis qechunqatsu>>.

Tsay runanami kayno nirqan: <<Tayta Diospa leynincho kaynömi niykan: <Tayta Diosta kuyanki lapan shonquykiwan, lapan voluntänikiwan, lapan kalpaykiwan y lapan yarpaynikiwan. Runa mayikitapis kikiki kuyakushqaykino kuyanki> >>.

Kacharmi kayno nirqan: <<Cosëcha shuntaypaq kaykaqnömi tsaytsika runakuna karkaykan Tayta Diospa wilakuyninta chaskikärinanpaq. Tsayno kaptinpis walkaqlami wilakuqkuna karkaykan. Tayta Diosta manakäriy wilakuqkunata kachananpaq.

Tsayno wilaparkurmi Jesús tapurqan kayno nir: <<Tsay kimsan runapita ¿mayqan kaqtaq runa mayinta kuyaparqan?>> Niptinmi kayno nirqan: <<Samaria runami, tayta>>. Tsaynami Jesús kayno nirqan: <<Kanan qampis tsay runanöla runa mayikita kuyapay>>.

<<Kanan wilakuq aywapäkuy. Löbukunaman uyshakunata qaykuqnömi qamkunata kachaykä.