Popular Bible Verses from Lucas 3

Share

Runakunata Juan bautizaykaptinmi Jesúspis chayarqan bautizakunanpaq. Bautizakur Tayta Diosta manakuykaptinmi jana patsa kichakämuptin Jesúsman Espíritu Santu palumano urämurqan. Tsay hörami jana patsapita Tayta Dios kayno nimurqan: <<Qamqa kuyay tsurïmi kaykanki. Qampitami kushishqa kaykä>>.

Tsaymi Juan kayno nirqan: <<Noqaqa yakulawanmi bautizä. Noqapita mas munayniyuqmi juk shamunqa. Paypa lanqi watunta paskapänaläpaqpis noqaqa manami merecïtsu. Payqa Espíritu Santuwan y ninawanmi bautizapäkushunkipaq.

Jutsaykikunata rasunpa kacharishqa karqa Tayta Dios munashqannöna kawapäkuy. Ama yarpapäkuytsu Abrahampa aylun kashqaykipita Tayta Dios salvashunaykipaq kashqanta. Noqa kaynömi nï: Tayta Dios munarqa kay rumikunatapis Abraham aylu runakunaman tikraratsinmanmi.

Mana wayuq yörakunata sapipita muturir ninaman qaykuqnömi jutsa ruraqkunata castigananpaq Tayta Dios kamarikushqana kaykan>>.

Juan tsayno wilakunanpaqmi Tayta Diospa profëtan Isaías qelqashqancho kayno nin: <<Juk runami chunyaq jirkacho qayaraypa wilakur kayno niykan: <Tayta Dios shamunanpaq nänita altsapäkuy. Wenqu nänikunata derechapäkuy. Raqrakunatapis pampatsapäkuy. Jirkankunatapis parijapäkuy. Wiksu nänikunatapis derechapäkuy. Uchku uchkukunatapis pampatsapäkuy. Tayta Dios munayninwan salvashqantami maytsaycho taq runakuna rikapäkunqa> >>.